samedi 28 juillet 2012

Katër emra i vrasin katolikët shqiptarë: Lekë, Gjon, Shtjefën dhe Gjergj

Katër emra i vrasin katolikët shqiptarë: Lekë, Gjon, Shtjefën dhe Gjergj
Këtë titull e lash me qëllim me dy kuptime. Dikush mund të kuptojë se katolikët shqiptarë vriten nga katër emra ose, në anën tjetër, katër emra vriten nga katolikët shqiptarë. Situata është e tillë që ose ndodh njëra ose tjetra. Çka kanë këta emra? Këta janë emra katolikë që përbëjnë katër shtyllat e Kanunit: Lekë (Dukagjini), Gjon (Marka Gjoni), Shtjefën (Gjeçovi) dhe Gjergj (Fishta).
Dy të parët, Leka dhe Gjoni, njihen si prijës  por që të dy e kanë bërë të kundërtën a asaj që pretendonin. I pari ishte me armikun (perandorinë osmane kundër Skënderbeut) dhe dyti ishte me armikun gjithashtu (me serbin, me Nikolla Pashiqin).

Dy të dytët, Shtjefni dhe Gjergji ishin priftërinj por që të dy e kanë bërë të kundërten e asaj që pretendonin. I pari e ka mbledhur (e ka shpikur në bazë të kushtetutës së Gjon Marka Gjonit që i dërgoi Pashiqit në Beograd) Kanunin që vret dhe çorienton edhe sot shqiptarët e sidomos katolikët shqiptarë. I dyti e ka bërë reçensionin e Kanunit dhe ky reçension botohet si parathënie e këtj libërthi çorientues dhe antinjerëzor. Që te dy priftërinjte po na dalin antikrishterë. Lexojeni me kujdes parathënien dhe Kanunin që t’më kuptoni se çka dua të them:  http://www.kanuniilekedukagjinit.blogspot.ca
Ne katolikët shqiptarë ndodhemi në një situatë të vështirë: T’i lëmë këta katër emra të na vrasin dhe të na çordodisin mentalisht apo t’i rrënojmë ato katër shtylla të Kanunit me qëllim që të vijë dita kur Kanuni nuk do ta vrasë as nuk do ta çorientojë askënd.

E botoj këtë shkrim sepse e kam zemrën e plasur. Kam bërë studime pasuniversitare në Amerikë dhe kur u ktheva në Shqipëri, Kanuni gati sa më ktheu në nivelin e analfabitit. Ju lutem t’i lexoni shkrimet e mia duke i kërkuar në Goggle me fjalët kyçe “Blerim Uka Kanuni”.
E ftoj edhe një herë klerin katolik të shprehet haptaz kundër Kanunit të Lekë Dukagjinit duke e analizuar në prismën se ai Kanun është antikrisher dhe antinjerëzor. Po e jap si shembëll analizën e imamit Shefqet Krasniqi.

Mos më thuani tani “Ai hoxhë e ka kritikuar edhe Nënë Terezën!!!”. Mua nuk më pengon ajo kritikë sepse jam i bindir se e ka bërë nga xhelozia. Nënë Terezën, po ta donin vetëm katolikët shqiptarë, ajo do të ishte e vogël për popullin tonë. Për këtë kritikë imami Krasniqi has në kritikat e të gjithë shqiptarëve të tri feve (apo katër duke i përfshirë edhe bektashinjtë) dhe të laikëve që përbëjnë shumicën absolute të shqiptarëve. Pajtohem me faktin se imami Krasniqi ka bërë keq kur e ka sharë Nënë Terezën. Por, mendoj se Kanunin e ka kritkuar në mënyrë perfekte me fakte dhe kjo kritikë ndodhet në nivelin e  merituar si kundërpërgjigje e gafit të presidentes së Kosovës. Presidentja e ka keq, hoxha e ka mirë!!! Pra, të njëjtën kritkë do të dujej ta bënte edhe kleri katolik apo prifti kundër kanunit dhe kundër asaj çka afirmon presidentja e Kosovës dhe të gjithë atyre që e lavdërojnë Kanunin.  
Shikojeni videon në YouTube
Kanuni i Lekë Dukagjinit: Gafi i presidentes së Kosovës Atifete Jahjaga në fjalimin e saj në Takimet e Gjeçovit 2011.


FILLIMI  (Të gjitha shkrimet me radhë)

Aucun commentaire:

Enregistrer un commentaire